زوز كيسان فارينة عليهم مغرفة خميرة خبز و مغرفة صغيرة ملح و مغرفة زعفران مرحي و الا ملون اصفر و الا كركم و مغرفة كبيرة زيت و نخلطوهم بالخلاط و احنا نصبو في الماء الدافى بشوية بشوية لين يولي قوام العجينة كيف الكراب و نخلوها ترتاح 30 دقيقة و نسخنو الزيت و نحركو العجينة متاعنا بمغرفة بش يخرج منها الهوى ناخذو قمع نسكروه بصبعنا و نحطو فيه شوية من الخليط هذاكا و نجيو فوق الزيت و نحيو صبعنا على الفتحة متع القمع و نشكلو كعبة الزلابيا متاعنا انا شخصيا هاذي طريقتي لكن الي صعيبة عليه يستعمل في بلاصة القمع دبوزة و تعمل ثقبه صغيره في الغطاء و تخدم زلابيا
ليست هناك تعليقات:
إرسال تعليق