خبز محشي بالتن و الجبن

خبز محشي بالتن و الجبن
المقادير
500 غ فارينة
1 كيس خميرة
ملح 
ملعقة سكر
حليب دافئ
5 ملاعق زيت
بيضة
الحشو :
جبن
علبة تن
1/2 بصلة
ملح و فلفل.
القليل من عصير الليمون.
للحصول على التذهيب :بيضة مخفوقة و جلجلان للتزيين
التحضير:
- توضع الخميرة في كوب من الحليب الدافئ والسكرمدة 100 دق و في وعاء توضع الفارينة والملح والزيت ثم يسكب الحليب السائل + الخميرة ويعجن لمدة 10 دقيقة و يترك في مكان دافئ لمدة 1 ساعة ثم نصنع كرات من العجين ثم تشكل ويوضع الحشو باتباع الخطوات التي في الصور
ترتاح 30 دق و تدهن بالبيض من فوق ويرش الجلجلان و تخبزفي فرن ساخن على حرارة 2000 درجة مئوية لمدة 30 دق تقريبا

غريبة حمص

غريبة حمص
المقادير
1 كغ حمص مرحي
500 غرام فارينة
400 سكر ارطب حسب الذوقة
400 غ زبدة
كاس زيت (يمكن الزيادة اذا لزم الامر)
1 قرصة ملح
التحضير
 أولا، تذوب الزبدة في قدر على نار هادئة ونخرج رغوة اللبن على السطح بملعقة
 في وعاء كبير يخلط مسحوق السكر والزبدة المذابة وتضاف الفارينة المخلوطة مع الحمص و نخلط جيدا باليد ثم نضيف الزيت تدريجيا يتم عجنه جيدا ثم يتم رحيها في الة رحي اللحم
نشكل العجينة علىالشكل الي في الصوره
تقطع و توضع على صينية مدهونة بالزيت.
توضع في فرن محمى على حرارة 140 درجة مع المراقبة من وقت لآخر
 بعد ما تبرد ترصف في الطبق و تقدم مع الشاي

الغرايف
3كؤوس سميد رطب+ملعقة كبيرة فرينة+ملعقة كبيرة سكر+ملعقة كبيرة خميرة خبز+2 خميرة حلوى نخلط مواد جافة بملعقة نضيف ملح و 4كؤوس ماء دافئ نخلط بميكسار حوالي 4 دقائق و نطيبوه مباشرة كيما الكراب اما اطبيب من جهه واحده و نحطو فوقها الي تحبو عليه عسل شكلاطه زبده و سكر ..حاجه هايله لفطور صباح

روسات البقلاوه

روسات البقلاوه
كيلو فارينه كاس نشا كاس زيت شويه ملح و نلموها بالحليب ..و نقسموها ل88 اجزاء و نخلوها ترتاح ساعتين و بعد ناخذو بالوحده و نحلوها بالنشا و القلقال و بعد نكملو بقية الخدمه بيدنا حتى الي تولي عنا عجينه رهيفه و شفافه ..بعد لا دهنا البلاتو بالزبده الذائبه نحطوا اربعه اوراق و بين كل ورقه ندهنوها بالزبده و نصبو الفاكيه متاعنا لوز جلجلان سكر محور شويه زهر نخلطوهم مع بعضهم و نصبوهم و بعد نزيدو اربعه اوراق اخرين و كيف العاده بين الورقه و الورقه ندهنو بالزبده باستثناء اخر ورقه نخلوها هككا شايحه و نقسمو البقلاوه متاعنا و نحطو فيها كعبات فاكيه من فوق في كل كعبه و نخلوها ترتاح ساعتين اخرين و ندخلوها للفور على 180درجه و كيف نخرجوها نشحروها
شحور يتكون من كيلو سكر لتر ماء و قارص
 بعد لا نشحروها نخلوها تبات باش تشرب شحور

روسات بيتزا خفيفه و بنينه

روسات بيتزا خفيفه و بنينه
4كيسان متوسطين فارينه
مغرفه كبيره خميره فوريه
3مغارف كبار زيت
كعبه ياغورت طبيعي
مغرفه صغيره سكر
مغرفه صغيره ملح
حليب دافئ للعجن
الطريقه:
ناخذو كاس حليب نحطو فيه مغرفة سكر و الخميره و نخلوها مايقارب 55دق حتى الي يتضاعف حجمها..نخلطو الفارينه ،ملح ،ياغورت طبيعي و نضيفولهم الخميره و نعاودو نخلطو و نكملو الزيت و نلمو بالحليب..نخلوها ترتاح مايقارب 30دق و بعد نطيبوها بالطبيعه تحطلها الصوص و جبن (انا ماحطيتش جبن لانو العايله مايحبوهش) و تزين تن زيتون رونديلات فلفل اخضر ..الي تحب عليه حسب اختيارك.
 و صحه و بالشفاء ليكم

طريقة اعداد السِتروناد

طريقة اعداد السِتروناد

 ناخذو مايقارب زوز كيلو قارص نغسلوهم و نقصوهم و نحيو منهم القلوب و نحطوهم في ماعون و نغموهم بالماء و نحطوهم على الڨاز مايقارب ربع ساعه نخلوه يبرد و نرحوه بالماء متاعو حتى الي يولي كيف الكريمه..و بعد نحطو الخليط في ماعون كبير و نزيده مايقارب 2ل من الماء و نصفوه بغربال صغير متاع زقوقو نتحصلو على عصير نزيدوه زوز باكوات سكر فانليا الى جانب السكر العادي و انت و الذوق تحبو حلو بارشا و الا ناقص سكر 

فما زاده طريقه اخرى للاعداد السيتروناد

تاخذ القارص تنظفو و تقصو و تحطو في ماعون و تزيدلو السكر و تبيتو ليله في الفرجيدار و يومة غدوه ترحيه و تصفيه

يعني طرق التحضير تختلف لكن الفرق في البنّه موش كيف كيف..انا جربتهم لزوز و تبقى بنّة السيترونادبالطريقه لولى حاجه عالميه.

و بالشفاء ليكم💓

طاجين باللحم المفروم

طاجين باللحم مفروم 
250غ لحم مفروم
150 جبن مرحي 
شويا بطاطة مقلية مقصوصة
معدنوس
عظم حسب الحاجة
2 بصل
كركم،فلفل أكحل،زنجبيل مرحي،تابل و كروية،,و ملح
 ناخو البصل نقليه في زيت و بعد نزيد عليه اللحم و الفاحات الكل و نقليهم بعد نطفي و نزيد عليهم المعدنوس باش يذبل شويا..و نخليهم يبردو بعد نزيد عليهم البطاطا و الجبن و العظم نخلطو بعد ندخلهم للفرن سخون على درجة 200 مدة 35 دق.
 اللوبية خضرا سمطتها مع ملح و بعد سوتيتها مع بصل و ثوم

من اعداد الاخت ايمان

بسبوسه

المقادير
كاس حليب 
كاس زيت 
كاس سكر
عظمه
1فانيليا
كوب ونص سميد متوسط
كاس فارينه
كاس جوز هند
ونص باكو خميرة قاتو
بالنسبه للشحور
زوز كيسان سكر وكاس ماء
عصرة ليمون وفي الاخر زيد شويه زهر
 بعد لا اطيبها تخرجها و تشحرها

الروز بالفاكيه

الروز بالفاكية كل حد و طريقتو..أنا الطريقة هذه نعملو مغير لحم و يجي بنين برشا:
ناخذ 3 بصل نقليهم في الزيت(الزيت مذابيكم قدر زوز كيسان تاي أخضر )بعد منقلي البصل نزيد عليه جلبانة و نفوحو بفلفل أكحل،زنجبيل مرحي،كركم،تابل،noix de muscade,شويااا قرفة و ملح..نحرك و نصب شويا ماء لين تتغطى الجلبانة..و نخليها طيب و كيف تطفئ عليها نخلي فيها الصوص باش نخلط بيها الروز...بعد نقدمو

من اعداد الاخت ايمان 

دجاج مصلي على الطريقه المغربيه

طريقة الدجاج:
من الليل نظفت الدجاج مليح و خليتو على جنب،و بعد حطيت في صحفة:كركم،فلفل أكحل،تابل و كروية،راس حانوت،noix de muscade,بصل و زنجبيل مبشور،ملح و زيت زيتونة و شويا ماء..خلطت الفاحات الكل و خذيت الدجاج حليتو بالسكينة باش يدخل فيه الخليط و فوحتو مليح مليح..بعد حطيتو في الفريجيدار ليلة كاملة..و خليط الفاحات خليت منو لغدوة شويا..
الصباح دخلت الدجاج في الفور خليتو يطيب على راحتو..كيف تناصف الطياب زدت الفاحات الي مزالي منها شويا...و كل شويا ناخو من الصوص متاع الدجاج و نسقيه بيه..الي يحب يزيد شويا بطاطا و الا بصل..

من اعداد الاخت ايمان 

روسات البيتزا

400 غ فارينة

4 مغارف زيت

شويا إكليل فوحت بيها العجينة

خميرة خبز 

ملح

العجينة متاعي نعجنها على مرتين و كل مرة نخليها ترتاح 20دق..بعد في آخر مرة نخليها تخمر ساعة غير ربع

الصوص:نقلي شويا بصل بعد نحط 3 كعبات طماطم مقصوصة،نزيدو شويا ماء و نفوحو يشويا ثوم،ملح،و إكليل نخلوها لين طيب

بعد البيتزا زينوها كيف ما تحبو

من اعداد الاخت ايمان

روز ازعر

🌸🌸🌸

نقلي رأس بصل كبير وبعد نحط عليه جلبانة و نفوح بكركم،زنجبيل مرحي،تابل،شويا فلفل أكحل،و شويا فرقة على راس المغرفة،ملحنصب قدر كاسين ماء..10دق قبل منطفي نزيد الكروفات..الصوص منخلوهاش تنشح..نطيب الروز و بعد نخلط بالصوصجربوها الوصفتين ياسر بنينة

من اعداد الاخت ايمان

المقروض العادي و الابيض

روسات المقروض العادي

 زوز كيسان و نص سميد متوسط و نص كاس سميد ارطب و كاس زبده ذائبه تبسسهم مليح و تخليهم يرتاحو من 4 ل 5 ساعات و بعد تلم بالماء فيه شويه ملح ..تاخذ تمر تفوحو بلي تحب عليه لوز مهروش و الا جلجلان و شويه زبده و كان تحب شويه قرفه و تحضر كعباتك و تقليهم ..بالنسبه للشحور زوز كيسان سكر و زوز كيسان ماء و نصف كعبه قارص و كيف يطيب شحور تشحر كعبات المقروض و يبدا بارد و الا العكس المقروض سخون و شحور بارد

المقروض الابيض 

1كغ فرينة و 1كغ سميد جويد غربلهم وعليهم 4 خميرة قاتو وشوية ملح وشوش ورد وقرفة

تذوب 200 غ زبدة وكيف تبرد صب عليها كاس زيت نباتي وتخلط الخليط 

وبعد كمل العجن بماء الورد 

تاخذ تمر مرحي وبعد فوحو بالقرفة وشوش الورد واصنع المقروض عادي 

طيبو في الفرن عل 180° و ماتخليهش يحمار 

بالنسبه للشحور 

.الشحور رطل سكر عليه كاس ماء كبير تحطو يغلي وقت يعمل فقاقيع تعصر 1/2 كعبة قارص

 الكعك استعملت نفس العجينه متاع المقروض الابيض و كيف طاب غطستو في سكر محور

بريك دنوني

 

كعيبات بريك

كيلو فارينة

عضمتين

شطر مغرفة صغيرة خميرة خبز

50غ زبدة 

2 كيسان طرابلسي زيت زيتونة

كليل زعتر و ملح

 الحشوة:اسكالوب و إلا تن،معدنوس،بصل،جبن مرحي،جلبانة مصموطة ،سفنارية مصموطة مقصوصة صغيرة، كركم،فلفل اكحل،ملح،تابل كروية،زنجبيل مرحي و عضمة و إلا 2 تلم الخليط الكل

سوفلي بنين و خفيف

رطل فرينة و 2 مغارف زبدة - 1 خميرة خبز - 11 خميرة قاطو - شوية ملح و ماء دافيء و تنجم تخلط فرينة و سميد أرطب و تعجن بالماء الدافيء و تحطها تخمرعلى الأقل ساعة الحشوة: تقص معدنوس و بصل تذبلهم في شوية زيت و تبشر 3 بيضات طايبين و تضيف جبن مرحي و تن أو دجاج طايب أزعر و مفروم و تضيف بطاطا مقصوصة مكعبات مسموطة و تفوح بالملح و فلفل اكحل و كركم .--بالنسبة للحشو متاع السوفلي كل شخص أش يحب نجمو نحطو عجة بالمرقاز و نجمو نحطو حشو بالدجاج طايب أو بالجبن أو بالتن كل واحد آش يحب و نحلو العجينة بالقلقال دائرات و نحطوا فيها الحشوو نسكروا الاجناب بالباهي و ندهنو الكعبات بفص بيضة و نرشو عليهم جلجلان او سينوج و اذا تحبو تخليوهم هككا كيما تحبو و نطيبو في الفرن على 180 درجه لمدة 35 دق

روسات البشكوطو

 روسات البشكوطو

4عظم

250غ سكر(الي يحبو حلو ينجم يزيد)

2خميره

2فانيليا

كاس زيت

نصف حكه حليب نستلي

شويه عطرشيه

مغرفه قشور برتقال مرحي للي يحب يفوح بيه

و الي يحب يفوحو بشويه جلجلان ،بسباس يعني حسب اختياركم

 بالنسبه لفارينه كيلو و حتى اقل بشويه ..نخلطو العظم والسكر و السكر فانيليا و نزيدو الزيت و حليب نستلي و العطرشيه و بعد نخلطو الفارينه مع الخميره و نبدو نزيدو بشويه بشويه حتى تتلم العجينه و ماتكونش يابسه بارشا تبدا لينه نوعا ما ..تخدموها بالمكينه المعروفه متاع البشكوطو و الي ماعندوش ينجم يعملو في شكل كعك

و ادخلوه لفور في 180درجه

كيكة الليمون

كيكة الليمون

المقادير ....

3 بيضات 

1 ياغورت 

2 كؤوس سكر 

3 كؤوس فارينه

1/2 كاس زيت

1 خميرة حلويات

عصير 1/2 ليمونه + قشرة 1/2 ليمونه مبشوره

ملاحظة : نأخد كاس الياغورت للحكار

طريقة التحضير...

نخلطو العظم مع الياغورت ثم نضيف السكر ثم الزيت وفي الأخير الفارينه مخلطه مع الخميرة  حتى نحصل على خليط متجانس من بعد نضيف عصير الليمون والقشرة المبشوره من بعد نحطو عجينة الكيك في قالب مدهون بالزبده و نرشو عليه الفارينه ودخلها للفور على 180درجه لمدة 40دق