روسات tiramisu للسهرية

تشري باكو crème tiramisu vanoise تخدمو بربع كاس حليب بارد بالباتور و تاخذ coupe و تحط في القاع الكريمه و بعد تاخذ بسكويت langue de chat تغطس الكعبات في قهوه كحله و تحط كعبات و بعد تعاود تصب الكريمه و تحط البسكويت حتى الي تكمل و الزينه حسب الاختيار تنجم ترش فوقها كاكاو و الا تزينها بالفاكيه و تخليها تبرد حتى الي تشد روحها 

قاتو ساهل و خفيف

😍

توا وقيت متاع قاتو بنين 🍰😋😍

المقادير:

4 بيض

حكة ياغورت بنكهة الفانيليا او حسب الرغبة

2 فانيليا

1 خميرة

بنفس حكة الياغورت

**** 2 سكر

3 فارينة

1 زيت ***

 نركضو العضم،ياغورت ،سكر و سكر فانيليا بروبو و بعد برش قارص و نزيدو الفارينة و الخميرة و الزيت نحركوها مليح و بعد نصبو kit kat نحركو و نصبوها في المول بعد مدهناه بزبدة و رشينا عليه شويا فارينة..ندخلو للفور على درجة 170 مدة 40 دق لين طيب..ال kit kat تعمل طعم بنين برشا في القاتوو اذا ماعندكمش  النوعيه هذيكا متاع شكلاطه تنجم تستعمل شكلاطه عاديه كعب 

ف😍😍

إن شاء الله تجربوها 😉

 إيمان

خبزة البسكويت او خبزة الهواء

المكونات:

*طبقات البسكويت :

4 سيدة 24 قطعة 

كاس من القهوة 

*كريمة الشوكولاتة

2 أكياس كريمة

لتر حليب 

5مغارف كبار سكر

300غ شوكولاته مقطعة 

200غ لوز مهروش

100غ زبدة 

*لزينة :

150 غ شوكولاته

مغرفة كبيرة كريم فريش

فستق 

*طريقة التحضبر الكريمة

 نطيب الكريمة (أكياس الكريمة+الحليب+السكر) كي الطيب و تبقبق الكريمة تزيد الشوكلاته و طفي النار و تقعد تحرك للي تذوب الشوكولاته مبعد تغطيها و تخلاها تبرد و مبعد تريدها اللوز و الزبدة و تخفقها ب الخفاق اليدوي 

*طريقة تحضير خبزة الهواء

 نضع طبقة من البسكويت ندهنا ب القهوة منغطسهاش بش تبقى شادة روحها مبعد نحط طبقة من الكريمة و نكمل طبقة بسكويت طبقة كريمة و مبعد نذوب الشيكولاتة و الكريم فريش في micro-ondee و نصبوها فوق gâteau و نزينوها بالفستق و نحطوها تبرد لمدة 3 سوايع و صحة و بالشفاء

بوزة البوفريوه

250غ بوفريوه مرحيه و رطبه بالباهي حتى الي تسيب الزيت متاعها 

و الا تنجم تشريها مرحيه حاضره  تجنبا للتعب 

لتر حليب

170غ سكر حسب الذوق 

3 مغارف كبار نشا

تحل البوفيروه في الحليب و نشا و معاهم السكر و تحطها اطيب على نار هادئه و طفي عليها و حطلها مغرفه عطرشيه

صمصه لسهرية رمضان

تاخذ جلجلان مرحي و تزيدو شويه سكر محور و شويه زبده و تلمهم بالعطرشيه و بعد تاخذ ورق الملسوقه تقسمها و تدهنها بشويه زبده ذائبة و تحط الحشو و تفورمها كيما تحب و تقليها و تشحرها

بالنسبه للشحور تعمل زوز كيسان سكر عليهم كاس و نصف ماء و كيف يغليو تزيدهم شطر كعبه قارص 

و الا تنجم في بلاصة جلجلان تعمل لوز مرحي و الا فستق مرحي و هذا يرجع لشنوه تحب 

روسات شوصون بالتن (chausson au thon )

500غ فارينه

250غ زبده

باكو خميره

مغرفه صغيره سكر

مغرفه صغيره ملح

حليب دافئ للعجن

نخلطو الخميرة و السكر مع شوية ماء فاتر و انخليوه حتى يزيد حجمو لمدة 10 دقائق و نخلطو الفرينة بالزبدة و الملح و نصبو الخميرة و نكملو نلمو العجينة بالحليب و نخليوها ترتاح نصف ساعة

الحشو:

عضم مسموط و مقطع

تن

بطاطا مسموطة و مقصوصة صغيرة

زيتون

جبن

نلموهم الكل بكعبة عظم 

ناخذو العجينة نحلوها و نقصو دواءر صغار و نعملو شرائط  في وسط البات و نحطو في وسط كل دورة مغرفة حشو و نسكروها

 ندهنو العجينة من فوق باصفر البيض و حليب و نرشوهم بشويه جلجلان و اندخلوهم للفور في 180 درجه لمدة 35 دق 

مصلي حوت

الطريقة

ناخذ الحوت الي عندي نظفو و ناخذ بطاطة،بصل،طماطم و فلفل و شطر كعبة قارص نقصهم و نحطهم في الطبق

الفاحات:زيت زيتونة،كركم،شويا زنجبيل،كمون،فلفل أكحل،انا حطيت شويا هروس (إختياري) و ملح و ماء

نخلطو المكونات مع بعضهم،نعطيهم بورق ألومنيوم و ندخلهم للفور على درجة 200 مدة ساعة غير ربع تقريبا.

من اعداد ايمان 

طاجين ملسوقة

250 غ من الدجاج

20 ورقة ملسوقة

بصلة

8 بيضات

50 غرام زبدة

100 غرام جبن مرحي

4 مثلثات جبن

نصف فنجان زيت

نصف ملعقة ملح

نصف ملعقة صغيرة فلفل أسود

نصف ملعقة صغيرة فلفل زينة

نصف ملعقة كركم

طريقة اعداد طاجين ملسوقة:

يقطع الدجاج إلى قطع صغيرة وتوضع في قدر به الزيت والبصل المفروم والملح والتوابل يقلى مدة 5 دقائق ثم تضيف كأس ماء ويترك يغلى حتى ينشف ويستوي الدجاج.

 تسلق بيضتان وتقطع فوق الخليط الدجاج ويقطع الجبن وتضيف الجبن المرحي ويخلط الكل ثم تضيف باقي البيض ثم تأخذ طبق الفرن وتدهنه بقليل من الزبدة وتضع ورقة الملسوقة ثم تدهن الأخرى بالزبدة وتعيد ذلك تسعة مرات

 تفرش خليط الدجاج على سطحه وتطرح ثم تضع فوقه الملسوقة وتدهن بقليل من الزبدة وتعيد ذلك تسع مرات وفي الأخير تضيف باقي الزبدة وقليل من الملح وتسقي به الطاجين ثم تدخله الفرن مدة 25 دقيقة وتتركه يبرد ثم تقطعه قطعا متساوية.

وصفة زلابيا بمناسبة شهر رمضان

زوز كيسان فارينة عليهم مغرفة خميرة خبز و مغرفة صغيرة ملح و مغرفة زعفران مرحي و الا ملون اصفر و الا كركم و مغرفة كبيرة زيت و نخلطوهم بالخلاط و احنا نصبو في الماء الدافى بشوية بشوية لين يولي قوام العجينة كيف الكراب و نخلوها ترتاح 30 دقيقة و نسخنو الزيت و نحركو العجينة متاعنا بمغرفة بش يخرج منها الهوى ناخذو قمع نسكروه بصبعنا و نحطو فيه شوية من الخليط هذاكا و نجيو فوق الزيت و نحيو صبعنا على الفتحة متع القمع و نشكلو كعبة الزلابيا متاعنا انا شخصيا هاذي طريقتي لكن الي صعيبة عليه يستعمل في بلاصة القمع دبوزة و تعمل ثقبه صغيره في الغطاء و تخدم زلابيا 

باتي بالدجاج و الجبن

للعحينة نحتاج

500 غ فرينة =5 اكيسان 

كاس حليب او اكثر شوي على حساب الفرينه اذا كانت تشرب

2صفار بيض

100غ زبدة ذاىبة= 2/3 كاس

1م ك زيت

1.5م ك خل 

1 م ص ملح 

1 خميرة حلويات 

 خلطي الكل مع بعضهم ومن بعد لمي بالحليب تتحصلي على عجينه متماسكه خليها ترتاح نصف ساعة و ياريت تكون ليله كامله 

تجي بات فويتي روعة

للحشو

300غ صدر متاع الدجاج 

1 فلفل اخضر حلو مفطع مكعبات+1 فلفل احمر اذا ما عندكش استبدليه بالاخضر

1 طماطم مقطعة قطع صغيرة

1 بصله مقطعة قطع صغيرة

150غ جبن رابي

2 فص ثوم مرحيين

3 مغارق زيت

في مقلاة حطي الزيت+الدجاج مقطع قليه يجي 6 دقايق +البصلة و الثوم فلي مليح+ فلفل+ الطماطم+فلفل لكحل+ملح

خليها على نار هادىة ل10د و بعد لا اطيب خليها تبرد

من بعد قسمي العجين على 2

و حلي الاولى بسمك 3ملم و فرشيها في بلاتو مدهون 

و حطي الحشو في النص و خلي مسافة شوي و رشي الفرماج

ومن بعد حلي الثانية و حطيها فوقها 

 و اعملي شرائط كما في الصورة)ادهنيها ببياض البيض +الخل و ذري عليها اجلجلان و لا الكمون كيما تحبي.

و حطيها في الفور على180 ل 1/2ساعة

بسكويت الشكلاطه سهل التحضير

المقادير

نصف كأس من السكر محور.2كيسان فرينة.نصف كاس زبدة  ذائبه.بيضتان.مغرفة سكر فانيليا.ملعقتان كبار خميرة قاتو وشوية بسباس مرحي ..

 تخلط البيض و السكر و سكر فانيليا و الزبده  و بعد تضيفلهم الفارينه و الخميره و شويه بسباس و تاخذ قوالب و تشكل الكعبات متاعك كيما تحب و تحطهم في الفور يبدا سخون من قبل على   180 درجه و تخليهم يطيبو 20دق ماتخليهمش يحمارو بااارشا و بعد تذوب شكلاطه و معاها مغرفه صغيره زبده و تذوبهم و تغطس الاطراف متاع البسكويت و ترش عليها شويه جلجلان 

من اعداد الاخت نسرين 

بمناسبة شهر رمضان طريقة اعداد الملسوقه في الدار

قرب شهر رمضان المبارك و فرصه باش تخدم الملسوقه متاعك وحدك

الكيل بفنجان قهوة 2كيلات فرينة و1كيلة سميد ارطب وملح

ومغرفة صغيرة زيت ونضيف بنفس الفنجان 5كيلات ماء

ونخلطهم ونبدا

الخدمة

نحتاج كربيار او مقلاة تيفال ناخذ منشفة فيها

قطرة زيت ونمسحها

ونبدا العمل بالبانسو ندخل البانسو في الخليط

ونمسح عالكربيار حتى نتحصل على ورقة تبدا تتنزع

من الحواشي نحيها ونقلبها فوق منشفة ونكمل بنفس

الطريقة وكل مرة نمسح الكربيار بالمنشفة لي فيها

الزيت وكل ما نحي ورقة نقلبها فوق الاخرى 

هاذ الكمية تعمل 7 اوراق ملسوقه ولو تكيل بكاس كبيرتعمل

 مغرفة كبيره زيت

بريك دنوني

العجينة ساهلة ماهلة و خفيفة فيها كاس حليب + كاس ماء+1 مغرف كبيرة خميرة الخبز +1 ملعقة صغيرة سكر +
 1/2 كاس زيت و تلمي بالفرينة حتى تكون عجينة متماسكة خليها تخمر و بعد حليها بالقلقال و قسمها بكاس لدوائر 
و احشيها كيما تحبي الزيتون و الشومبينيو وفرماج و طماطم كل على حسب الرغبة  و تدهنها باصفر عظمه و حطيه في الفور

طريقة تحضير المخارق

شحور زوز كيسان ماء عليهم زوز كيسان سكر و شطر قارص و يتشحرو مليح 

و الروسات تلقاوها في تصاور 

من اعداد مريم

صابلي هشوش روووعه

المقادير 

300غ فارينة 150غ زبدة 150غ سكر محور ساشى سكر فانيليا ونص ساشى خميرة حلو رشة ملح عظمة ومغرفة ماء عطرشية 

 الطريقة تبثبث الزبدة اللى بتكون بدرجة حرارة الغرفة مع الفارينة والسكر لين يولى كالرمل ثم تلمهم بالعظمة وتزيدهم رشة الملح وساشى الفانيليا ونص ساشى خميرة حلو ومغرفة العطرشية تلمها مليح وتحطها نرتاح ساعتين فى الفريجيدار كيف تخرجها خليها شوية كيف تخدم رش النشا يجى هشوش وروعة

روسات البشكوطو

بارشا طلبونا في روسات البشكوطو متاع الدار و احنا ديما مانردوش ليكم طلب:

4عظم

250غ سكر(الي يحبو حلو ينجم يزيد)

2خميره

2فانيليا

كاس زيت

نصف حكه حليب نستلي

شويه عطرشيه

مغرفه قشور برتقال مرحي للي يحب يفوح بيه

و الي يحب يفوحو بشويه جلجلان ،بسباس يعني حسب اختياركم

 بالنسبه لفارينه كيلو و حتى اقل بشويه ..نخلطو العظم والسكر و السكر فانيليا و نزيدو الزيت و حليب نستلي و العطرشيه و بعد نخلطو الفارينه مع الخميره و نبدو نزيدو بشويه بشويه حتى تتلم العجينه و ماتكونش يابسه بارشا تبدا لينه نوعا ما ..تخدموها بالمكينه المعروفه متاع البشكوطو و الي ماعندوش ينجم يعملو في شكل كعك 

و ادخلوه لفور في 1800درجه

طريقة اعداد الرفيس تونسي

الرفيس تونسي

1 كغ سميد متوسط و معرج في الفور مع التقليب المستمر 

250غ زبدة 

500غ تمر مقصوص جويييييد 

150غ لوز مهروش 

 شاميه

الشحور

500غ سكر 

250 ملل ماء

2 مغارف كبار عصير قارص

الطريقه

تحضر الشحور في الأول و دوووب ما يتغير لونو تطفو عليه و تخلوه يبرد

 و بعد تعرجو السميد متاعكم في الفور و ديما تفقدوه و تحركوه باش ما يتحرقش حتى يتعرج ملييح و بعد اطفو عليه و خرجوه من الفور و بعد تحط الزبدة و التمر فوق الغاز حتى تذوب الزبدة و تصبهم على السميد و حرك و تزيدهم اللوز و تصب الشحور حتى الي تتلم المكونات الكل مايجيش جاري يكون متماسك و يتلم في يدك..بعد ناخذو ورق الالمنيوم و الا البلستيكي و نفرشو عليه الخليط و نحطو فوقو الشاميه و نبداو نرولو و نلمو بالورق ..و نقصوهم كعبات 

اذا ماتحبش الشاميه تنجم تشكلها  من غير شاميه كيما تحب ( دائرات مربعات ...)و تزينها بكعبه لوز من فوق

فكرة salé على شكل ورده

الروسات

العجينة:1كل فارينة،2عضم،100غ زبدة،مغرفة كبيرة خميرة خبز،ملح،كأس حليب دافئ و الباقي ماء لين تتلم العجينة و نعجنوها مليح،نخلوها ترتاح ربع ساعة و نشكلوها.

الحشوة :نقلو بصل و لحم مفروم نفوحوها بكركم،زنجبيل،تابل،فلفل اكحل،زيت،جبن مرحي و عضمة نلمو بيها الخليط.

من اعداد ايمان

خبزة الدرع

5 عظم

2 كيسان درع 

كاس فارينه 

1 فانيليا 

1 خميرة 

كاس زيت

كاس و نصف سكر 

كاس حليب 

جلجلان وزبيب حسب الاختيار 

الطريقه 

 نخلطو لعظم و السكر و السكر فانيليا مع بعضهم و بعد نزيدولهم الزيت مع اضافة الخميرة و درع و الحليب و نخلطوهم الكل بلقدا و ناخذو زبيب نخلطوه في شويه فارينه و نزيدوه للخليط ..و نضيفوا شويه جلجلان من فوق و نحطوه في الفرن في درجه حراره 180 درجه

خبز libanais

خبز ليباني pain libanais

المكونات

500 غ خليط من السميد ارطب والفارينة

1 ملعقة كبيرة خميرة 

2 ملاعق طعام من زيت الزيتون

2 كوب ماء دافئ( يمكن زيادة الماء اذا لزم الامر )

ملح

التحضير

في وعاء، اخلطي الخميرة مع الماء الدافئ و يرتاح 10 دقائق.

و تخلط جميع مكونات العجين (يمكنك إضافة الماء إذا لزم الأمر)

و تعجن العجين حتى تصبح لينة وناعمة.

تغطى و تترك في مكان دافئ حتى تتخمرمدة ساعة

بعدها تقسم الى 12 كرات و تغطى لترتاح 20 دق

ترش الفارينة على سطح العمل وترقق كل كرة بالقلقال 3 مم تقريبا الى ان نتم جميع الكرات

و توضع فوق قطعة قماش مرشوشة بالفارينة و تخطى باخرى حتى ترتاح 30دق اخرى

تسخن مقلاة تيفال و يخبزعلى نار متوسطة حتى تنتفخ بشكل جيد

 وتوضع في كيس من البلاستيك لتبقى طرية

يويو خفيف و بنين

يويو 👍☕☕

3عظم

كاس سكر

كاس زيت

 فنجان حليب

1خميره

1فانيليا

شويه عطرشيه

بالنسبه للفارينه تخلط حتى الي تتحصل على عجينه متماسكه ماهيش يابسه و ماهيش طريه

تخلط عظم و سكر و سكر فانيليا وزيت و الحليب مع بعضهم و تاخذ الفارينه حط فيها الخميره و تزيدها للخليط و بعد تخدم الكعبات و تقليها و تشحرهم

الشحور: زوز صحافي متوسطين سكر 2 صحافي ماء عصره قارص

كايك ساهله و خفيفه

 

كيكة بالشكولاطة 

المقادير :

2كيسان فارينه

03 بيضات

1 كاس سكر

1/2كاس زيت نباتي

01 خميرة الحلويات 

02 م ك كريم فريش 

02 م ك كاكاو 

التزين 

01 شكولاطة 

01 م ك زبدة 

01 م ك ماء دافئ

طريقة التحضير :

1- نخلطو البيض مع السكر والفانيليا جيدًا حتى نتحصل على خليط متجانس فاتح اللون.

ثم نضيفوالزيت النباتي و كريم فرش .

نخلطو المكونات مع بعض بشكل جيد حتى نتحصل على خليط متجانس تمامًا.

ناخذو الفارينه و نزيدوها الخميرة ثم يضاف للخليط.

نخلطو المكونات جيدًا 

انقصو شويه من الخليط و نزيدولو كاكاو 

ناخذو الطبق و ندهنوه بشويه زبده ورشه فارينه

و نصبو الخليط و من فوق نزيدو خليط الكاكاو

و نحطوه في الفرن في 180درجه لمده 35دق

بعد نذوبو الشكولاطة ثم نضيفولها الزبدة وماء نخلطوها عندما تبرد الكيكة نزينها بالشكلاطة 

 و نرش شويه سكر محور

ساندويتش مقلوب دياري

ساندويتش مقلوب دياري

مقادير العجينة

1 خميره خبز

4معارف زيت

500غرام فارينة

كاس حليب دافي يمكن اكثر حسب نوع الفارينه

مغرفة صغيرة ملح

نصف مغرفة صغيرة سكر

تعجن المقادير الكل مع بعضهم و تقسم العجينة لكورات و تخليهم يرتاحو ساعة 

بعد تحل بالقلقال و تطيب في المقلى دقايق فقط دوب ما تطيب ما تخليهاش تيبس باش تنجم تطويها من بعد

الحشو

دجاج مفوح بزعتر وكليل وفلفل اكحل و بهارات 

سلاطة مشوية

سلاطة خس ولا فقوس

مايونيز

صوص هريسة

جبن موتزاريلا 

تن

صالمي 

جبن مثلثات

بطاطا فريت

و لكم حرية الاختيار حسب الذوق

تلف الخبزة كيف الصورة و تطيب في الفرن وندهنها بصفار البيض والا في المقلى او في طاجين حديد

 وبالشفاء

طريقة اعداد المطبڨة بالتفصيل

المطبڨة

الحشو

بصل مقصوص جويد

فلفل حار شايح 

هريسة عربي

فاحات ( كروية ، فلفل زينة ، ملح ، فلفل أسود

راس ثوم مرحي

شوية شحم موش برشا

زوز و إلا ثلاثة مغارف طماطم معجون.

 نحط البصل و الشحم يذبل في طنجرة على النار و من بعد نزيد المكونات الاخرى و نقليوهم الكل مع بعض مع التحريك ثم نتركه يرتاح

العجين :
رطل سميد رطب
رطل فرينه 
مغرفه صغيره ملح 
 ماء للعجن
تعجن مليح وتقعد تزيد في الماء لين تتعلك بالباهي وتسمعها طرشق  تخليها ترتاح ربع ساعه

طريقة التحضير

 ناخذو طرف من العجينة و نقسموه على اثنين نطرحو القسم الأول و نحطو فوقو الحشو و نسووه بالمغرفة ثم ناخذو القسم الثاني و نحطوه الفوق بعد طرحو هو زادة و نحاول نلف الاطراف لكي لا يخرج الحشو

 و في الأخير ناخذو طبق من الحديد و يجب أن يكون ساخنا و نحطو فيه الخبزة و نقلبها مع التحريك حتى لا تلصق.

 و حين تحمر و تصير جاهزة للأكل نضعها