قاتو خفيف لفطور صباح

ناخذو 2 كيسان فارينه،كاس سكر،3عظم،كاس عصير برتقال (تنجمو تعملو عصير الحاضر الي نشروه من السوق)،نصف كاس زيت ،مغرفه صغيره قشور برتقال مبشوره،1فانيليا، 1خميره،

الطريقه:

نحطو العظم و السكر و السكر فانلياو نركضوهم بالباهي مع بعضهم و نزيدوهم بعد العصير و الزيت و نعاودو نركضوهم حتى لكل شئ يتخلط في بعضو،بعد نزيدو الفارينه و الخميره و نخلطوهم و اخير نضيفو قشور البرتقال ..ناخذو القالب الي باش نطيبو فيه و ندهنوه بشويه زبده و فارينه..و نصبو فيه الخليط و ندخلوه للفور في 180درجه لمدة 35و45دق

وفي الاثناء نحضرو سيرو فيه ماء و سكر و نحطوه على الڨاز حتى الي يشد روحو شويه و نهبطوه و نزيدولو شويه عصير برتقال و نسقو بيه الڨاتو...

و صحه و فرحه ...

طاجين البات

🍕🍝

العجينه:

300غ فارينه

100غ زبده

مغرفه صغيره ملح

عظمه

حليب 

نخلطو الفارينه و الزبده و العظمه و نزيدوهم ملح مع بعضهم و بعد نلمو بالحليب حتى الي تولي عنا عجينه شاده روحها.. نخلوها ترتاح في الفريجيدار مايقارب ربع ساعه..

في الاثناء نحضرو الحشو متاعنا

صدر دجاج نقصوه طروف و انطيبوه معاه شويه زيت كركم ملح و نقطعو معاه راس بصل صغير نقلوهم و نزيدوهم ماء و نخلوه يطيب حتى الي يشيح من الماء ..كيف يطيب نرحوه و نزيدو معاه معدنوس مقصوص، 5 كعبات جبن مثلثات،جبن مرحي، ڨوته ،كعبتين عظم مصموطه و كعبه بطاطا مقصوصه جويده مصموطه..و نزيدوهم ملح اذا ناقصه و نخلطوهم ب 5 او 6 كعبات العظم المهم مايكونش جاري باااارشا 

ناخذو العجينه متاعنا نقسموها على زوز و نحلوها بالقلقال و نحطو تحتها شويه فارينه و نفرشوها في طبق و نصبو الخليط و ناخذو العجينه الاخرى و نغطو بيها من فوق و نسكرو الاجناب ..و ندهنوها باصفر عظمه مخلطه بشويه حليب..و تحطها في الفور في 180 درجه لمدة 35دق

و بالشفاء ليكم 

فريكاسي خفيف

😉

رطل فارينه

باكو خميره فوريه

فنجان تاي زيت

مغرفه كبيره ملح

نصف كاس حليب

ماء دافي للعجن

الحشو:

بطاطا مصموطه و نقصوها مكعبات،عظم،هريسه،تن ،زيتون

نعجنو المكونات مع بعضها و نخلوها ترتاح العجينه ربع ساعه و بعد نشكلو كعباتنا و نخلوهم يخمرو نصف ساعه ،نسخنو الزيت و نحطو الكعبات متاعنا..و انقصو شويه في الڨاز باش مايطيبوش نيين من داخل و يجوكم معجنين ...

خبز farci بالتن و جبن

المقادير

500 غ فارينة

1 كيس خميرة

ملح 

ملعقة سكر

حليب دافئ

5 ملاعق زيت

بيضة

الحشو :

جبن

علبة تن

1/2 بصلة

ملح و فلفل.

القليل من عصير الليمون.

للحصول على التذهيب :بيضة مخفوقة و جلجلان للتزيين

التحضير:

- توضع الخميرة في كوب من الحليب الدافئ والسكرمدة 10 دق و في وعاء توضع الفارينة والملح والزيت ثم يسكب الحليب السائل + الخميرة ويعجن لمدة 10 دقيقة و يترك في مكان دافئ لمدة 1 ساعة ثم نصنع كرات من العجين ثم تشكل ويوضع الحشو باتباع الخطوات التي في الصور

ترتاح 30 دق و تدهن بالبيض من فوق ويرش الجلجلان و تخبزفي فرن ساخن على حرارة 200 درجة مئوية لمدة 30 دق تقريبا

بسكوي الشكلاطه

نصف كأس من السكر محور.2كيسان فرينة.نصف كاس زبدة  ذائبه.بيضتان.مغرفة سكر فانيليا.ملعقتان كبار خميرة قاتو وشوية بسباس مرحي ..

 تخلط البيض و السكر و سكر فانيليا و الزبده  و بعد تضيفلهم الفارينه و الخميره و شويه بسباس و تاخذ قوالب و تشكل الكعبات متاعك كيما تحب و تحطهم في الفور يبدا سخون من قبل على   180 درجه و تخليهم يطيبو 20دق ماتخليهمش يحمارو بااارشا و بعد تذوب شكلاطه و معاها مغرفه صغيره زبده و تذوبهم و تغطس الاطراف متاع البسكويت و ترش عليها شويه جلجلان 

من اعداد الاخت نسرين 

صابلي هشوش و خفيف

كيلو فارينه 

8 مغارف كبار سكر محور

4 عظم

نصف باكو خميره 

360غ زبده

2 سكر فاني

2 مغارف كبار نشا

رشه ملح

اولا نركضو الزبده الي تكون بحرارة الغرفه و ماتكونش يابسه و معاها 8 مغارف سكر محور و سكر فاني حتى الي يوليو كيف الكريمه 

و بعد نزيدو العظم و رشة الملح و  نخلطو و نضيفولهم بعد نصف باكو خميره و نشا و الفارينه تبد تصب بشويه للانو انت و نوعية الفارينه 

و نلموها بيدنا مانعجنوهاش حتى الي تولي عنا عجينه شاده روحها نلفوها في papier sulfane و نخلوها ترتاح في الفريجيدار مايقارب نصف ساعه و نخرجوةها ناخذو بالطرف نخدموهم و الباقي نعاودو نلفوه و نحطوه في الفريجيدار باش مايشيحش و كل طرف تكلمها تجبد الاخرى 

و نشكلو الكعبات متاعنا و نحطو الفور يسخن على 140 درجه و نخلوهم يطيبو مايقارب 10 دق

و كيف نخرجوهم تحطلهم المعجون و تزينهم بالسكر محور و الا شكلاطه و فاكيه الي تحب عليه 

معمول

250غ زبده ذائبه

150غ سكر محور

تركضهم مع بعضهم مليح و تزيدهم 2 عظم و و باكو خميره حلويات و تصب بشويه بشويه 500غ فارينه و شويه زهرو تلم العجينه بيدك ماتعجنهاش حتى الي تولي شاده روحها و تخلي البات ترتاح لمدة ساعه في ورق شفاف في الفريجيدار 

 و الحشو تاخذ تمر و تفوحو بشويه قرفه و تحط فيه شويه فاكيه كان تحب و شويه ماء ورد 

 ناخذو شويه عجينه و نكعبورها بيدنا و تحلها بصبعك في الوسط و تحط الحشو و تعاود تكعبرها و تحطها في ماكينة المعمول مع العلم انو نفس الماكينه هي الي نخدمو بيها الزوزه مع تغيير القوالب ..و الي ماعندوش ماكينه ينجم يشكل العجينه كيما يحب و ياخذ ملقاط الحلويات و يزينها بيه و تحطها في الفورو يطيب لونو فاتح

وصفة الجلجلانية

500غ جلجلان

500غ فارينه 

100غ زبده ذائبه

رشه ملح

فنجان ماء ورد 

و حليب 

 تعجن لعجينه و تحلها بالقلقال و تطبعها بالقالب و كل دوره تقرصها في الوسط و صوابعك بالماء باش ماتتحلش و حطها في الزيت و اقليها لين تحمار و تشحرها 

 بالنسبه للشحور قد الماء قد السكر و كيف يغلي زيدو شطر كعبه قارص و خليه يزيد شويه يغلي و طفي عليه ..و صحه و بالشفاء

كعك العنبر

200غ لوزمرحي 80غ سكر محور 1 ابيض عظم 1 سكر فانيليا وشويه روح العنبر او ماء ورد

 للزينة 50غ فزدق  و سكر محور 

 نخلط السكر و اللوز و فانيليا ونزيدهم ابيض العظم و شويه روح العنبر و الا ماء ورد  تولي عجينة  نخلوها ترتاح مدة 20دق وناخذو العجينه نحلوها صوابع و نسكروها دائرات  و نغطس في السكر و نحطو كعبات فزق نزينوهم  و نحط في الطبق  و ندخلوه للفور في 140 درجه لمده 15 ساعه 

و فما زاده طريقه اخرى مايعملوش فيها العظم الي هي تاخذ اللوز و السكر محور و سكر فاني تلمو بماء الورد اكاهو و تخدم الكعبات متاعك 

المقروض الابيض

كيلو فارينة ،300 غ زبدة مذوبة و عطرشية للعجن و الا تنجم زاده تعجنها بالماء شويه ملح و مغرفه صغيره خميرة حلويات تخلط الكل مع بعضهم و تبداء تصب العطرشية لين تولي لينة تحسها رطبة و تلفها و تحطها ترتاح في الثلاجة  مدة نصف ساعه و ماتعجنهاش كيما الخبز تلمها اكاهو و بالنسبة لتمر تعجنو بشوية زبدة  تحطلها شوية فاكيه كان عندك و شويه قرفه و الي مايحبش القرفه يعمل قشور برتقال مرحي 
تحل العجينه بالقلقال و يكون سمكها ماهوش خشين بارشا و تحط تمر يكون صوابع طويله على الحافه و تبدا ترولي 3 مرات و تقص العجينه الفاضله  و تقسمها كيف كعبة المقروض و الا تاخذ العجينه و تخدمها كيما المقروض العادي متاعنا و ادخلو للفور في 180 درجه لمدة 15دق ماتخليهش يولي غامق
بالنسبه للشحور رطل سكر عليه كاس ماء كبير و نصف كعبه قارص معصوره و شحورمايكونش جاري بارشا
و بعد تشحرو دوب ماتخرجو من الفور و تزينو بالجلجلان و الا جوز الهند 

غريبة الدرع

المقادير

600غ درع 

225غ سكر محور

250غ فارينه 

250ملل زيت زيتونه 

لوز مهروش و جلجلان

مغرفه كبيره خميره حلويات

 نخلطو الفارينه ودرع مع بعضوو معاه الخميره وشويه جلجلان و نخلطو الزيت زيتونه و اللسكر مع بعضو و نزيدولهم خليط الفارينه ودرع و نلموهم مع بعضهم حتى الي نتحصلو على عجينه متماسكه ونزيدو نعملولها دوره في الماكينه تخرج مخدومه مليح وروعه 

و ناخذو العجينه متاعنا و نشكلوها كيما نحبو بقوالب الغريبة و الا في شكل مقروض و نزينوه بالجلجلان و اللوز و ندخلوه للفور في 170 درجه لمدة 15 دق

وذنين القاضي او الدبله

250غ فارينة و2 عظم 3 مغارف كبار زيت ووحدة سكر فاني شويه ملح تلمها بلقدا من غير ما تعجن تغطيها و خليها ترتاح 30دق في الفريجيدار و بعد حلها بنشا لازم تحلها بلقدا و تبدا ماهيش خشينه  قصها شرائط  وتبدا تخدم في الكعبات متاعك  ادور العجينه على الفرشيطه و ماتكبسش بارشا خليها مرخوفه و اخر الحرف لصقو بالماء باش ماتتحلش  و حطها في الزيت  ودور الفرشيطه و كيف تشوفها شدت روحها نحيها 

 و تشحرها وزينها بالجلجلان

بالنسبه للشحور 

تاخذ كاس و نصف ماء و كاس و نصف سكر و نصف كعبه قارص خليه يطيب حتى الي يولي خاثر شويه 

مقادير الزوزه

 ارطل فارينه

200غ زبده

2 عظم

1 خميره حلويات 

100غ سكر محور 

2 سكر فاني 

و ناخذو حكه نستلي نحطوها في كوكوط فيها ماء و نخلوها ساعه غير ربع حتى الي تولي كراميل 

نخلطو الزبده و السكر و العظم و السكر فاني و بعد نحطو الفارينه و الخميره و نزيدو بشويه بشويه االفارينه موش مره وحده و حتى الي تولي عنا عجينه متماسكه و ماهيش يابسه بارشا  و نطيبوها في القالب الخاص بيها و نبداو مسخنينو قبل ندهنوه بشويه زيت و الا فما الماكينه الخاصه بالزوزه 

بسكوي باللوز

المقادير. :

250غ زبدة طرية 

4 ملاعق كبيرة إنشاء 

4(noix de coco) ملاعق كبيرة  

4 ملاعق كبيرة زيت 

كأس سكر محور

1/2 ملعقة صغيرة حلويات

1 فانيليا 

2 بيض 

فرينة 350غ الى400غ أنت والعجينة 

والوز مهروش زينة

تخلط كل شئ إلا الفرينة و الخميره فى الأخير و ماضابيك تخليها ترتاح نصف ساعه و تشكل الكعبات متاعك و تحطها في الفور في 150 درجه لمدة 15دق

العجينة طرية الازم تكون

من اعداد مريم

صابلي

*المقادير 

كيلو فرينة

400غ زبدة 

350غ سكر محور

2 خميرة

2فانيليا

5بيضات

تركض البيض و السكر و سكر فاني و الزبده مع بعضهم و بعد تزيدلهم الفارينه و الخميره و تخلي العجينه ترتاح نصف ساعه و تشكلها بالقوالب الخاص بالصابلي و اطيبها في الفور في 150 درجه لمدة 15 دق 

مقروض

زوز كيلو سميد متوسط مع رطل فرينة و مغرفه صغيره خميرة قاتو ورشة ملح تخلطهم مليح وتزيد عليه نصف لتر زيت سخون وخلطيه مليح و خليه يرتاح ليله كامله و اذا مزروبه خليه ساعتين  وبعد اعجني بالطرف بالماء الدافئ  و تاخذ تمر تحلو بشويه زيت  و الا زبده  و تفوحو شويه قرفه و لوز مهروش 

بالنسبه للشحور تاخذ صحفتين سكر عليهم صحفه ماء و كعبه قارص و ماتخليهش يغلي باااارشا لا المقروض يولي يابس ..هاوكا كل مره خوذ شويه من شحور و حطو فوق رخامه و خليه يبرد و شوفو 

يويو

3عظم

كاس سكر

كاس زيت

كاس حليب

1خميره

1فانيليا

 شويه عطرشيه

بالنسبه للفارينه تخلط حتى الي تتحصل على عجينه متماسكه ماهيش يابسه و ماهيش طريه 

 تخلط عظم و سكر و سكر فانيليا وزيت و الحليب مع بعضهم و تاخذ الفارينه حط فيها الخميره و تزيدها للخليط و بعد تخدم الكعبات و تقليها و تشحرهم

الشحور: زوز صحافي متوسطين سكر صحفه ماء و كيف يغلي اعصر فيه شطر كعبه قارص 

كايك خفيف

ثلاثه بيضات

125غ سكر 

نصف كاس زيت

قشور برتقال مرحيه و الا قشور ليمون

سكر فاني

250غ فارينه

باكو خميره

 اولا تخلطو البيض و السكر و سكر فاني مليح و نزيدوهم زيت و قشور برتقال و الفارينه و الخميره..يتخلطو مليييح و ناخذو مول الكايك و نفرشو فيه ورق طبخ ونحطو فيه الخليط و تزينو بشكلاطه كعب و تحطو في الفور على 180 درجه مايقارب 35 الى 40 دقيقه حتى الي يولي لونو ذهبي نخرجوه و خليه يبرد وتاخذ سكر و ماء تغليه شويه و ترشو فوقها و الا تاخذ معجون و تزيدلو ماء

طريقة اعداد وذنين القاضي

المكونات:

100غ نشاء 500غ فارينه 200 غ جلجلان 6بيضات 2ملاعق زيت قليل من الملح زيت للقلي 1

 التحضير:

نخلط الفارينه ، الملح ، البيض و ملعقتين من الزيت و نعجن باليدين و نتركها نصف ساعة

نرشّ النّشا فوق سطح الطاولة و نرقق العجين بالقلقال لا تتجاوز 1ملم.

نقصّ الورقة بالسّكّين على شكل مستطيلات عرضها ما بين 2 و 4 صم. نطوي العجين

 حول شوكة أو ملعقة او بين صوابع يدينا و نلصقو أطرافها في بعضها بواسطة أبيض البيض ,ثمّ نقليوها في الزيت. نخرجوها و نشحروها  و نرشّ عليها الجلجلان

بالنسبه للشحور نعملو 500غ سكر عليهم نصف لتر ماء و شحور يكون عاقد شويه موش بارشا و بعد كيف يغلي نزيدوها القارص و كيف يطيب نحطو فيه قطيرات ماء ورد 

غريبة حمص

ناخذو رطل حمص معاه 250غ فارينه و 250غ سكر محور وربع لتر زيت و الا تنجمو تعملو 200غ زبده ذائبة و الباقي زيت 

تخلط المكونات حتى الي تتلم

 تاخذ الفورمه بالشكل الي تحب عليه و تفرد العجينه بالقلقال و تقص الاشكال و تحطها في الفور في 160درجه لمدة10دق 

بسبوسة

زوز كيسان كبار سميد متوسط 

نصف كاس سكر 

نصف كاس زيده ذائبه 

شطر مغرفه صغيره خميره حلويات 

شويه ملح 

نصف كاس حليب 

كعبه ياغورت فاني

50غ لوز 

و مغرفه كبيره  ماء ورد و الا زهر 

تخلط المكونات الكل و تدهن اطبق بالزبده و تحط الخليط و و تقسمها و تزينها باللوز

و ادخلها للفور في 180درجه لمدة 25 دق

كيف اطيب تخرجها و تشحرها و هي سخونه لكن بشرط يكون شحور بارد و الا العكس 

و تخليها تشرب مليح 

بالنسبه للشحور 

زوز كيسان سكر عليهم كاس ماء تغليهم و تزيدهم شطر كعبه قارص و كيف يطيب تزيدو مغرفه ماء ورد و الا زهر 

روسات الشباكية

*المقادير

كيلو فارينه

-125 غ زبده ذائبه

نصف كاس صغير زيت عادي (50مل)

نصف كاس صغير زيت زيتونه (50مل)

كاس صغير ماء زهر

100غ لوز محمر و مرحي

60غ جلجلان محمر و مرحي

مغرفه كبيره سكر

-ملعقة صغيرة قرفة

شويه ملح 

-عظمه

-ملعقة كبيرة خل

-نصف كيس خميرة حلويات

-ماء لجمع العجين كأس كبير

*الطريقة 

 نحطو الفارينه مع اللوز جلجلان ملح خميرة سكر نخلط الكل مع بعض من بعد نضيف الزيت العادي زيت الزيتون والزبدة ملعقة خل والعظمه نخلطهم من جديد ونجمع الكل بالماء وماء الزهر 

العجين ماتجيش طريه و نعملو كرات نغلفهم ببلاستيك غدائي نخلوهم يرتاحو لمدة 15دق من بعد ناخذو كره و نحلوها بالقلقال و سمكها مايكونش خشين و نقصوها شرائط متساويين و نلفو الشريط على 3 اصابع من يدنا و ننزلو على الاجناب باش نسكروها و نقليوها في الزيت سخون من بعد نحطوها في شحور و نزينوها بجلجلان

 بالنسبه للشحور تعمل صحفه سكر عليها صحفه ماء و كيف يغلي تعصر فيه نصف كعبه قارص

تارتولات بالغلة

المقادير : 

للعجينة 

200 غ فرينة 

100 غ زبدة 

80 غ سكر بودر

عظمه

قرصة ملح

الطريقة :

 نخلطو الفرينة والسكر و نقطعوالزبدة إلى مكعبات صغيرة ونضغط بأطراف الأصابع حتى تدخل الزبدة مع الفرينة والسكر ...

 ثم نزيدو ال عظمه المخفوقة ونجمع العجينة -من غير ما نعجنوها- ، تشكل كره و نحطوها في الثلاجة لمدة 20 دقيقة قبل الاستعمال ..

و بعدها نقوم بتشكيل العجينة في قوالب تارت صغيرة وتثقب بالشوكة و ندخلها إلى الفور يبدا مسخن مسبقا و نطيبوها، حتى الي يولي لونها ذهبي

لتحضير الكريم باتيسيير 

المقادير :

1/2 لـــتر حليب

2اصفر عظمه

150 غ سكر

75 غ نشاء

1سكر فانيليا

الطريــقة :

نحطو الحليب والسكر والسكر فانيليا على النار مدة 5 دقائق تقريبا ( مانخليوش الحليب يغلي) في نفس الوقت إخلطي العظمه والنشاء مع بعضهم حتى يولي خليط متجانس وبعدها زيدو للحليب وحركي الخليط حتى يشد روحو 

 و كيف تبرد التورتات عبيها بالكريمة وزينيها بالفواكه وبعدها خوذ اي نوع متاع معجون مشماش و الا خوخ وحلو في شويه ماء و ادهن بيه الفاكيه باش تبقى فيها لمعه و مايتبدلش لون الفاكهة خصوصا الموز

روسات tiramisu للسهرية

تشري باكو crème tiramisu vanoise تخدمو بربع كاس حليب بارد بالباتور و تاخذ coupe و تحط في القاع الكريمه و بعد تاخذ بسكويت langue de chat تغطس الكعبات في قهوه كحله و تحط كعبات و بعد تعاود تصب الكريمه و تحط البسكويت حتى الي تكمل و الزينه حسب الاختيار تنجم ترش فوقها كاكاو و الا تزينها بالفاكيه و تخليها تبرد حتى الي تشد روحها 

قاتو ساهل و خفيف

😍

توا وقيت متاع قاتو بنين 🍰😋😍

المقادير:

4 بيض

حكة ياغورت بنكهة الفانيليا او حسب الرغبة

2 فانيليا

1 خميرة

بنفس حكة الياغورت

**** 2 سكر

3 فارينة

1 زيت ***

 نركضو العضم،ياغورت ،سكر و سكر فانيليا بروبو و بعد برش قارص و نزيدو الفارينة و الخميرة و الزيت نحركوها مليح و بعد نصبو kit kat نحركو و نصبوها في المول بعد مدهناه بزبدة و رشينا عليه شويا فارينة..ندخلو للفور على درجة 170 مدة 40 دق لين طيب..ال kit kat تعمل طعم بنين برشا في القاتوو اذا ماعندكمش  النوعيه هذيكا متاع شكلاطه تنجم تستعمل شكلاطه عاديه كعب 

ف😍😍

إن شاء الله تجربوها 😉

 إيمان