المقروض الابيض

روسات المقروض الابيض

3 كيلات فارينه كيله زبده فاني و نلمو العجينه بماء زهر و الا ماء ورد  

 تمر نفوحوه بشويه زيت زبده جلجلان عود قرنفل قرفه شواشي ورد و نخلطوه و نخدمو المقروض كيما العادي و نزينوه بالمنقاش متاع الحلو و نطيبوه في الفور لمدة 10دق و بعد نشحروه .الشحور رطل سكر عليه كاس ماء كبير تحطو يغلي وقت يعمل فقاقيع تعصر 1/2 كعبة قارص و يكون خفيف شويه موش بارشا و بعد كان تحب ترش عليه شويه جوز الهند

دجاج مصلي على الطريقه المغربيه

طريقة الدجاج:

من الليل نظفت الدجاج مليح و خليتو على جنب،و بعد حطيت في صحفة:كركم،فلفل أكحل،تابل و كروية،راس حانوت،noix de muscade,بصل و زنجبيل مبشور،ملح و زيت زيتونة و شويا ماء..خلطت الفاحات الكل و خذيت الدجاج حليتو بالسكينة باش يدخل فيه الخليط و فوحتو مليح مليح..بعد حطيتو في الفريجيدار ليلة كاملة..و خليط الفاحات خليت منو لغدوة شويا..

الصباح دخلت الدجاج في الفور خليتو يطيب على راحتو..كيف تناصف الطياب زدت الفاحات الي مزالي منها شويا...و كل شويا ناخو من الصوص متاع الدجاج و نسقيه بيه..الي يحب يزيد شويا بطاطا و الا بصل..

من اعداد ايمان 

تارت مالحه بالتن و الجبن

هذه ليوم دبارة مادام زهيرة حبت تودكم باها ( جربوها وما تندموش )

تارت بالتن 

100غ زبدة

300غ فرينة

عضمة

1/2كيس خميرة متاع ڨطو

ملح وتكمل تعجنها بالحليب

تطرح العجينة في الطبق

وترش فوقها تن جبن زيتون كبار عضم مصموت و لقشات فلفل بر العبيد وموتزارلا

وتخلط علبة كرام فراش و4بيضات ورشة فلفل أكحل وتصبهم فوقها

 وحط الكل في الفرن مايقارب ربع ساعه في الفور 

هريسة اللوز

هريسة لوز

200غ لوز مرحي

روح اللوز

250غ سميد متوسط

4 مغارف عطرشيه

1/2 كاس سكر

50غ زبده طريه موش ذائبه

1/2 ساشي خميره حلويات

ماء بالعين موش بالحكار 

الطريقه

 تخلط سميد و شطر اللوز و تبسسهم بالزبده بعد تزيد السكر وروح اللوز و العطرشيه و الخميره بعد تصب الماء للي يبدا عندك خليط موش جاري وموش شايخ 

 تدهن طبق بالزبده و تصب فيه الخليط و تحط فوقو باقي كمية اللوز و اطيبو في الفورفي 180 درجه للي يحمار من فوق ..دوب ماتخرجو من الفور تشحرووهو سخون و الشحور سخون زاده على 3 مرات و تصب حتى الي يتغطى بالشحور و تخليه يرتاح ربع ساعه و تعاود مره اخرى و نفس الامر للمره الثالثه ..و تخليه يرتاح ليله كامله من غدوه تلقاوها شربت شحور متاعها و تقصوها ..

بالنسبه للشحور 2 صحافي سكر عليهم صحفه و نص ماء تخليهم يغلو و في الاخر تزيدلهم كعبه قارص مقصوصه على شطرين و تخليه يزيد يغلي شويه

روز بالفاكيه

روز بالفاكيه

الروز بالفاكية كل حد و طريقتو..أنا الطريقة هذه نعملو مغير لحم و يجي بنين برشا:

ناخذ 3 بصل نقليهم في الزيت(الزيت مذابيكم قدر زوز كيسان تاي أخضر )بعد منقلي البصل نزيد عليه جلبانة و نفوحو بفلفل أكحل،زنجبيل مرحي،كركم،تابل،noix de muscade,شويااا قرفة و ملح..نحرك و نصب شويا ماء لين تتغطى الجلبانة..و نخليها طيب و كيف تطفئ عليها نخلي فيها الصوص باش نخلط بيها الروز...بعد نقدمو

بالنسبه للروز تعمل 

2 كيسان روز 3 مغارف زيت مغرفه زبده
تقلي الروز في الزيت و الزبده حتى الي تولي الكعبه شفافه نزيدو عليه 4 كيسان ماء و فلفل اسود و ملح و قرفه و نخليوه يطيب حتى الي يشرب ماه 

من اعداد الاخت ايمان 

روسات بسبوسه

بسبوسه

المقادير

كاس حليب 

كاس زيت 

كاس سكر

عظمه

1فانيليا

كوب ونص سميد متوسط

كاس فارينه

كاس جوز هند 

ونص باكو خميرة قاتو

بالنسبه للشحور

زوز كيسان سكر وكاس ماء 

عصرة ليمون وفي الاخر زيد شويه زهر

 بعد لا اطيبها تخرجها و تشحرها

بريك دنوني في الفور

كيلو فارينة

عضمتين

شطر مغرفة صغيرة خميرة خبز

50غ زبدة 

2 كيسان طرابلسي زيت زيتونة

كليل زعتر و ملح

 الحشوة:اسكالوب و إلا تن،معدنوس،بصل،جبن مرحي،جلبانة مصموطة ،سفنارية مصموطة مقصوصة صغيرة، كركم،فلفل اكحل،ملح،تابل كروية،زنجبيل مرحي و عضمة و إلا 2 تلم الخليط الكل

بشكوطو دياري

هذه طريقة مادام زهيرة للبشكوطو الدياري بشكوطو العيد ...

الروسات بالنسبة لستة كيلو فرينة ( وكل واحد يعمل الحكار الي يحب عليه )

حكة حليب نستلي 

6 حيار عظم

6 كيلو فرينة 

12 خميرة 

12 فانيليا 

150 غ زبدة 

6حكك نستلي زيت 

كيلو ونصف سكر 

شوية جلجلان 

 ( العطرشية على قد الي يغطي السكر )

روسات اليويو خفه و بنه

يويو 

3عظم

كاس سكر

كاس زيت

كاس حليب

1خميره

1فانيليا

 شويه عطرشيه

بالنسبه للفارينه تخلط حتى الي تتحصل على عجينه متماسكه ماهيش يابسه و ماهيش طريه

 تخلط عظم و سكر و سكر فانيليا وزيت و الحليب مع بعضهم و تاخذ الفارينه حط فيها الخميره و تزيدها للخليط و بعد تخدم الكعبات و تقليها و تشحرهم

الشحور: زوز صحافي متوسطين سكر 2 صحافي ماء عصره قارص

croquant لفطور صباح

croquant

المقـــــــــادير 

كيلو فرينة

3 يبضات صغار والا 2 كبار 

ربع كيلو سكر

2 كيسان زيت

2 كيسان حليب

ملعقة بسباس

50 غ لوز مقصوصين

10غ جلجلان

شويه ملح

2 خميرة

1 فانيلا

بيضة مخلطة مع معلقة نسكافي باش ندهنو الوجه

طريقة التحضير

نضربو البيض مع السكر و الملح نضيفو الزيت و الحليب نضيفو اللوز و الجلجلان و البسباس و فانيلا ونخلطو نزيدو الفارينة المغربلة مع الخميرة و نجمعو العجينة نقسمو العجين إلى 5 أجزاء و نحطوهم على شكل مستطيل في الطبق و ندهنوهم بخليط البيض و النيسكافي و نحطو فوقهم شويه لوز مقشر و نشرطوهم بالطول بالفورشيطة ندخلوهم لفرن ساخن على درجة حرارة 180 يطيبو تقريبا شوية أكثر من نص طياب نقصوهم و أنرصفوهم في الطبق و ندخلوهم يتحمرو مرة اخرى و نردو بالنا لا يتحرقو

لازانيا بنه عالميه

لازانيا 

طريقة التحضير

 نقليو البصل في الزيت و نزيدو عليه لحم مفروم و ثوم و ملح و فلفل اكحل و طماطم معجونه مايقارب زوز مغارف كبار و نخليوه يطيب 

نذوبو 100غ مرغرين و نزيدو عليها 4 مغارف كبار فارينه و بعد نصبو الحليب على الخليط و نتحصلو على صوص بشاميل

ناخذو طبق ندهنوه بالزبده و نصبو طبقه صوص بشاميل و نفرشو بات لازانيا و نحطو فوقها طبقة لحم مفروم و نكملو هككا حتى الي نوصلو للاخر طبقة لحم مفروم و نعملو طبقة لازانيا و فوقها صوص بشاميل و نرشو فوقها جبن موزريلا مبشور و زيتون من غير قلوب و ندخلوه للفور و نحطوه في 180 درجه مايقارب  30 الى 40 دقيقه

غريبة الحمص

غريبة الحمص

الروسات 

رطل حمص مرحي

250غ فرينة 

250غ سكر محور 

لوز مقلي وجلجلان محمر 

وتعجن بزيت حتى الي تتلم 

( الي يحب ينجم يحط 200 غ زبدة والباقي زيت )

تخلط المكونات الكل 

 تاخذ الفورمه بالشكل الي تحب عليه و تفرد العجينه بالقلقال و تقص الاشكال و تحطها في الفور

روسات بريوش سهله و رائعه

وصفة البريوش

الروسات

4 كيسان و نصف فارينه

كاس حليب دافئ

نصف كاس سكر

نصف كاس زبده ذائبة 

2 عظم

شويه ملح

2 مغارف كبار خميرة خبز

اولا نذوبو الخميرة في كاس الحليب و معاه مغرفه سكر و نخليوها ترتاح 10 دقائق..بعد ناخذو الفارينه و نزيدوها السكر و العظم الزبده ملح و الحليب و خليط الخميره و نعجنوها و ماتكونش يابسه و طريه بارشا نخليوها ترتاح ربع ساعه و نحلوها بالقلقال و ندهنوها بالزبده و نرشوها بشويه قرفه و مغرفه كبيره كاكاو و شويه فاكيه مهروشه لوز و الا جوز و نرولوها و نقصوها دائرات و نخليوها تخمر ساعه في طبق و ندخلوها للفرن لمدة 40دق على 180درجه

قاتو شكلاطه

قاتو شكلاطه

روسات: 8 مغارف فارينة _ 8 مغارف سكر _ 8 عظمات _ 1 خميرة _ 1 سكر فانيليا

بالنسبة للشكلاطة : ربع كاس سكر _ ربع كاس زيت _ ربع كاس حليب _ 4 مغارف صغار غبرة شكلاطه ,,, و نخلطوهم الكل في الميكسار نتحصلو على كريمة شكلاطة انجمو نزينو بيها اي نوع من الحلويات و زادا يفرحو بيها الصغيرات كي نعملوهالهم في الخبز في عوض النوتيلا.

 نخلطو مقادير العجينه و نزيدوها الخليط الي حضرناه و نخليو منو شويه للتزيين و نحطوها في الفور و نزينوها بباقي الخليط

طاجين الباي

روسات طاجين الباي:

300غ لحم مفروم

300غ سبناخ 

300غ ريقوتا

150غ جبن مرحي 

بيض أنا إستعملت 9بيضات

1بصل

ناخو بصلة نقليها و نزيد عليها اللحم مفروم نفوحهم بكركم،تابل،زنجبيل مرحي،سنة ثوم،ملح..و نخليهم يتقلو لين يطيب اللحم بعد ما يبرد نزيدو 50غ جبن مرحي و 4عضمات بعد نحطها في بلاطو و ندخلها الفور على درجة 180 نشعلوه كان من الفوق مدة 10دق

في الأثناء نحضر السبناخ نقصو و نذبلو في مقلى شايحة،بعد ما يبرد نزيدو 5أصفر عضم،نزيد 50غ جبن و نفوحو بشويا زنجبيل و تابل و ملح،نخرج البالطو من الفور بعد ما اللحم يكون الوجه متاعو شد روحو و نضيف عليه خليط السبناخ و نعاود نرجعو مدة 8 دق

ناخذو الريقوتة و نخلطها بأبيض العضم و الباقي متاع الجبن 100غ رشة زنجبيل و ملح،نخلطوهم مليح،نخرج البالطو من الفور و نزيد خليط الريقوتة نستويها مليح،بعد نغطي البلاطو بورق الومنيوم و ندخلها للفور على درجة 180 و النار من فوق و من تحت مدة 20دق و اتفقدو..و كان الطاجين نفج بفرشيتة حاولو خرجو الهواء..

بعد لازم يبرد مليح باش تنجمو تقصوه.

من اعداد ايمان

طريقة اعداد المخارق و الزلابيا

بالنسبة للمخارق

زوز كيسان سميد ارطب عليهم كاس فارينة و كاس  سمن و مغرفة خميرة خبز و مغرفة صغيرة ملح و نخلطوهم بالماء دافى شوية و بصوابعنا نخلطو العجينة و نخلوها ترتاح 15 دقيقة و بعد نشكلوها في شكل صوابع و نعملو فيها ثقب هاذوكم بذيل المغرفة العود والا اي وسيلة أخرى و بعد ما نشكلوهم الكل نخلوهم يرتاحو 15 دقيقة أخرى و نسخنو الزيت و كي نقليوهم نحاولو نخليويها تحمار بالقدا على شرط انو النار ما تكونش قوية بش ما تحمارش فيسع مالبرا و تقعد نية في الوسط

بالنسبة للزلابيا

زوز كيسان فارينة عليهم مغرفة خميرة خبز و مغرفة صغيرة ملح و مغرفة زعفران مرحي و الا ملون اصفر و الا كركم و مغرفة كبيرة زيت و نخلطوهم بالخلاط و احنا نصبو في الماء الدافى بشوية بشوية لين يولي قوام العجينة كيف الكراب و نخلوها ترتاح 30 دقيقة و نسخنو الزيت و نحركو العجينة متاعنا بمغرفة بش يخرج منها الهوى ناخذو قمع نسكروه بصبعنا و نحطو فيه شوية من الخليط هذاكا و نجيو فوق الزيت و نحيو صبعنا على الفتحة متع القمع و نشكلو كعبة الزلابيا متاعنا انا شخصيا هاذي طريقتي لكن الي صعيبة عليه يستعمل في بلاصة القمع دبوزة متع citrol والا متع katchap

بالنسبة للشحور

كيلو سكر و نصف لتر ماء و نصف مغرفة صغير" شب مرحي" و يتحركو مع بعضهم  فوق النار و كيف يذوب السكر يبدأ الشحور يغلي نخلوه من 10 الى 15 دقيقة و نتحصلو علا الشحور متاعنا

بالنسبة للشحور بالطريقة هاذي يكون بنين برشا و كي نحطوه و نسكرو عليه يقعد صالح حتى لمدة عام كامل

و الي ما يحبش الطريقة هاذي يستعمل نفس المقادير للماء و السكر و بعد 10 دقائق نعصرو فيه شطر كعبة قارص و نحطوها فيه و يكمل يطيب 5 دقايق

وصفة الكرواسون

الروسات

500غ فارينه

نصف كاس زيت

نصف كاس سكر

شويه ملح

ابيض عظم و الا اصفر للدهن 

1 سكر فاني

1 خميرة خبز

وحليب دافئ للعجن

وزبده للتوريق 

و عظمه

 تخلط الفارينه و السكر و الملح و خميرة الخبز و تزيدهم زيت و اتبسسهم و تزيدهم بعد العظمه و تخلط بالحليب دافئ و بعد لا تعجنها تقسمها على 8 كعابر و اتغطيهم و تخليهم يرتاحو نصف ساعه و بعد تذوب شويه زبده و اتحل الكعابر بيدك و تدهن بالزبده و ترمي الكعبه فوق اختها و كل مره تدهن بالزبده كان الكعبه الاخيره ماتدهناش و بعد تحل بالقلقال مالزمش تبدا خشينه و تقصها مثلثات و ادورها في شكل كرواسون و تنجم تحط فيها من داخل طوابع شكلاطه  و تخليها ترتاح ساعه و تدهن الكعبات باصفر العظم و شويه حليب و شويه قهوه بعد لا تخلطهم مع بعضهم ..و ادخلهم للفور على 180درجه و مايقارب ربع ساعه وقت

قاتو رولي

رولي 

الخليط : 

4 بيضات 

6 مغارف سكر محور 

1/2 كاس حليب 

مغرفة زبدة بحرارة الغرفة 

1/3 كاس زيت 

1 خميرة 

1 فانيليا 

10 مغارف فرينة مغربيلين 

تصبها في طبق على ورق الطبخ بسمك 4 مم وطيبها في الفرن 

كيف تخرجها ادهنها بالنوتلا ورش شوية لوز وروليها في منديلة نادية وحطها في الثلاجة 

بعد 2 ساعات خرجها كان تحب زينها او كولوها خفيفة مع قهوة الصباح

كورنوات salée

كورنوات salée:العجينة:رطل فارينة،عضمة،80غ زبدة،ملح،شويا خميرة قاتو،و نلموها بحليب دافىء. الحشوة:نقصو كروفات،موزاريلا،زيتون،معدنوس، قطانية حكة،و نعملو شويا صوص بالمايونيز و زيت زيتونة و فلفل اكحل و ملح نخلطوها مع المكونات الكل،عضمة و جلجلان للزينة

وصفه من اعداد ايمان

وذنين القاضي

طريقة عمل وذنين القاضي

المكونات:

100غ نشاء 500غ فارينه 200 غ جلجلان 6بيضات 2ملاعق زيت قليل من الملح زيت للقلي 1

 التحضير:

نخلط الفارينه ، الملح ، البيض و ملعقتين من الزيت و نعجن باليدين و نتركها نصف ساعة

نرشّ النّشا فوق سطح الطاولة و نرقق العجين بالقلقال لا تتجاوز 1ملم.

نقصّ الورقة بالسّكّين على شكل مستطيلات عرضها ما بين 2 و 4 صم. نطوي العجين

 حول شوكة أو ملعقة او بين صوابع يدينا و نلصقو أطرافها في بعضها بواسطة أبيض البيض ,ثمّ نقليوها في الزيت. نخرجوها و نشحروها  و نرشّ عليها الجلجلان

بالنسبه للشحور نعملو 500غ سكر عليهم نصف لتر ماء و شحور يكون عاقد شويه موش بارشا و بعد كيف يغلي نزيدوها القارص و كيف يطيب نحطو فيه قطيرات ماء ورد 

كايك خفيف و بنين

قاتو ساهل برشا و بنين 

المكونات

4 عضم

2 فانيليا

1 خميرة 

1 ياغورت بنكهة الغلة 

بنفس حكة الياغورت نكيلو 2 سكر و 3 فارينة و شطر حكة زيت

 نخلطو العضم،سكر،ياغورت،فانيليا بخلاط كهربائى و إلا باليد بعد نضيفو الفارينة و الخميرة و الزيت نخلطوهم مليح نحطوهم في بلاطو و تدهنوه بزيت و إلا زبدة و الي يحب زادا يرش شويا فارينة باش متلسقش.

ندخلوها الفور على درجة 180 لين طيب 45دق

 إيمان